TAFIYA MABUDIN ILIMI
Tafiya na daga cikin manyan makarantu da Allah Ya halicce mana ba tare da kuɗin makaranta ba.A tafiya zaka gane gaskiyar rayuwa fiye da yadda zuciyar ka take tunani.
Idan kana tunanin kai wani ne, tafiya zata kai ka inda ba wanda ya san ko sunanka.
Idan kana ganin garinku shi ne babba, tafiya zata nuna maka garuruwa da suka fi naku girma, tsari da cigaba.
Idan kana ganin wani mutum mai girma ne a unguwarku, tafiya zata bayyana maka wadanda suka fi martaba, ilimi da hangen nesa.
……………………………………..
Allah Madaukakin Sarki ya umarce mu da mu yi yawo a duniya domin mu gane darussa:
🔸 “Ku yi yawo a cikin ƙasa, ku duba yadda aka fara halitta…”
🔸 “Ku yi tafiya a cikin ƙasa, ku ga ƙarshen mutanen da suka gabata…”
🔸 “Shin ba su yi yawo a cikin ƙasa ba domin su yi tunani…?”
Tafiya na koyar da mutum hakuri, nutsuwa, koyo, ladabi da fahimtar mutane.Tana kuma cire girman kai, tana faɗaɗa zuciya.
🤲 Ya Allah, duk abin da idanunmu ke gani a tafiye-tafiye ka sanya ya zamo mana wa’azi da darasi, ba kwalliya da kallo kawai ba. Ka sanya tafiye-tafiye su kasance na alheri, tsaro, da fa’ida ga rayuwarmu. Amin.
