*DALILIN DA YA SA BAHAUSHE KE KIRAN RIGA DA SUNA “TAGUWA”!*
Akwai wani maƙeri a da can mai suna *Ado-guwa*, sananne a sana’ar ƙira a ƙasar Hausa tun kafin zuwan Fulani. Wata rana, matar sa ta aiko ɗan su don ya ɗebo mata *garwashi* daga maƙerar mahaifinsa domin ta hura wuta.
A wannan lokaci, Ado-guwa ya wanke *bargonsa* ya shanya shi bisa ciyawa don ya bushe. Amma sai yaron ya taka kan bargon da ƙafa, kuma daya daga cikin garwashin da yake ɗauke dashi ya zame, ya faɗo tsakiyar bargon har ya fara ƙonewa!
Da Ado-guwa ya lura da hakan, cikin gaggawa ya ɗauki bargon, ya kashe wutar kuma ya sare ɓangaren da ya kone. Amma yanzu matsala ta taso: lokacin sallar Jumu’a ya yi, kuma wannan bargon ne kawai ya shirya don yaje masallaci dashi!
Sai ya ɗaure bargon daga sama, inda aka sare, ya saka a kansa kamar hula, ya saki sauran bargon ya rufe jikinsa gaba ɗaya—haka ya nufi masallaci. Da ya isa, mutane sai kallon mamaki suke masa!
Bayan sallah, wasu maza suka ɗauki wuƙa suka fara yanka bargonansu su ma suna so su yi irin rigan Ado-guwa. Da aka tambaye su me suke yi, sai su ce: *”Muna so mu maida bargonmu irin Taguwa!”*
